Siglir tar il cuntegn

Header

cuntegn

Territori da skis Lech/Zürs Salvà quatter persunas or da lavina

Il suentermezdi da Nadal è ida gieu in lavina sin ina pista dal territori da skis Lech/Zürs tar l'Arlberg en il pajais federativ austriac Vorarlberg. Tut las persunas ch'èn vegnidas en lavina han pudì vegnir salvadas. Quatter persunas èn vegnidas blessadas, ina grev, sco la la polizia ha communitgà ils 26 da december a bun'ura. Sparì na saja actualmain nagin pli.

Grond'acziun da tschertga

Oriundamain avevan ins supponì che 10 persunas sajan vegnidas sutterradas da la lavina. Quai sin basa d'in video d'in telefon mobil. La polizia ha dentant communitgà che las autras ses persunas na sajan betg vegnidas tschiffadas da la lavina, las persunas en il video sa sajan annunziadas tar la polizia durant la notg.

Per chattar tut las persunas èn radund 200 gidanters e gidantras, plirs helicopters e chauns detecturs stads involvids en la tschertga.

video
L'acziun da tschertga la saira dals 25 da december (Tagesschau)
Or da Tagesschau dals 25.12.2022.
laschar ir. Durada: 58 Secundas.

RTR novitads 06:00

Artitgels legids il pli savens

Scrollar a sanestra Scrollar a dretga