Siglir tar il cuntegn

Header

cuntegn

Territori dal Dachstein Tschintg persunas moran en ina lavina

En l’Austria èn tschintg alpinists morts en ina lavina. Quai ha communitgà la polizia. La lavina saja ida a val en il territori dal Dachstein oz dumengia. L'entira gruppa ch'era sin ina tura da gianellas è vegnida sepulida enturn las 09:30 uras d'ina lavina sin in'autezza da 2'800 meters.

Grond privel da lavinas

Tenor il servetsch da salvament austriac vala en la regiun in grond privel da lavinas. Igl haja dà blera naiv nova ed i buffia in ferm vent. La muntogna dal Dachstein sa chatta al cunfin dals dus Bundesländer Austria Auta e Steiermark. La regiun tutga tar ina da las pli popularas regiuns dal sport d'enviern en Austria.

Ord l'archiv

video
Co utilisar apparats da tschertgar disgraziads en lavina (LVS)
Or da Giuventetgna dals 11.02.2020.
laschar ir. Durada: 1 minuta.

RTR novitads 17:00

Artitgels legids il pli savens