Il terrorist supponì Salah Abdeslam, ch'è vegnì arrestà l'emna passada a Brüssel, na sa dosta betg pli cunter vegnir extradì a la Frantscha. Tenor ses advocat veglia el vegnir surdà uschè svelt sco pussaivel a las autoritads franzosas per ch'el possia s'explitgar là.
Abdeslam era vegnì arrestà venderdi passà en la chapitala belgia. El duai era avair gì colliaziuns cun ils attentaders da Brüssel. Abdeslam vala sco sulet survivent dals attentaders probabels da Paris, nua che 130 persunas eran mortas il november passà.
RR novitads 12:00