Siglir tar il cuntegn

Header

cuntegn

Terror en Nova Zelanda Attentader pledescha da betg esser culpant

Passa trais mais suenter las attatgas sin duas moscheas a Christchurch en la Nova Zelanda pledescha l’attentader probabel da betg esser culpant.

L'Australian che sa chatta en ina praschun d'auta segirezza è stà collià per video cun la dretgira.

La procura publica renfatscha a l'um da 28 onns 51 mazzaments e 40 emprovas da mazzament sco era terrorissem. Ad el smanatscha praschun per vita duranta. Il process duai cumenzar il matg da l'auter onn.

L'attentader probabel aveva mussà l'attatga live sin Facebook. Quai ha procurà per critica enorma.

Consequenzas

En consequenza da l'attatga dals 15 da mars 2019 ha la Nova Zelanda rinforzà sia lescha d'arma e scumandà buis d'assagl ed armas da fieu mez automaticas. Er Facebook ha reagì ed introducì reglas pli severas per videos che vegnan emess live.

RR novitads 06:00

Artitgels legids il pli savens