Siglir tar il cuntegn

Header

cuntegn

Exteriur Terrtrembel en Afganistan e Pakistan

En il nordost da l’Afganistan e parts dal Pakistan ha stremblì la terra. L’epicenter saja stà datiers da la citad afgana da Ashkasham en il Hindukusch al cunfin cun il Pakistan. Infurmaziuns davart blessads u donns na datti naginas.

Charta cun l'epicenter dal terratrembel en il nordost da l'Afganistan.
Legenda: L'epicenter dal terratrembel sa chatta en il nordost da l'Afghanistan. RTR/Screenshot USGS (United States Geological Survey)

Il terratrembel haja gì ina fermezza da 6,6 sin la scala da Richter. Quai ha communitgà il servetsch seismologic dals Stadis Unids USGS.

Davart donns u unfrendas na datti anc naginas indicaziuns uffizialas.

Las stremblidas eran er da sentir en l’India. En la chapitala da l’India Neu Delhi sajan ils trens sutterrans vegnids retegnids ord motivs da segirezza, rapporta l’emettur NDTV.

Pir l’october passà hai dà in ferm terratrembel en la regiun cun passa 400 unfrendas.

RR novitads 15:00

Artitgels legids il pli savens