Siglir tar il cuntegn
Inhalt

Exteriur Terz demonstrant mora suneter protestas en Strivla da Gaza

Al cunfin tranter la strivla da Gaza e l’Israel è in terz demonstrant palestinais mort da sias blessuras, quai communitgescha il ministeri da sanadad da Gaza.

Purtret d'ina persuna che sajetta in crap cun ina funda.
Legenda: Al cunfin tranter l'Israel e la Strivla da Gaza cuntinueschan ils cumbats tranter la Hamas e l'armada israeliana. Keystone

Gia ier eran dus demonstrants morts, ils dus umens palestinais tranter els in um da la sanitad vegnids sajettads giu da schuldads israelians, hai num da vart palestinaisa. Dapli che 300 persunas èn ultra da quai vegnidas blessadas, almain 130 da sajets da l'armada israeliana.

Mesemna e gievgia avevan cumbattants da la Hamas che regia en la Strivla da Gaza e l'armada israeliana gì danovamain cumbats. Passa 180 rachetas èn vegnidas sajettadas da la regiun palestinaisa en l'Israel. Là èn set persunas vegnidas blessadas. L'armada israeliana ha respundì cun attatgas massivas or da l'aria.

RR novitads 12:00