Il studi da sanadad, ch’è vegnì publitgà en la revista spezialisada «The Lancet Public Health», quinta che radund 153 milliuns umans cun demenza vivan l’onn 2050, cumpareglià cun 57 milliuns l’onn 2019 – pia trais giadas dapli. Quai haja cunzunt da far cun il fatg che la populaziun creschia e vegnia pli veglia.
Grond augment en l'Arabia ed Europa
In fitg ferm augment spetgan ils scienziads tranter auter en il Katar ed en ils Emirats Arabs Unids. Il pli pauc s’augmentia il dumber da persunas cun demenza en il Giapun.
Per l'Europa dal Vest spetgan ils auturs dal studi ch'ils cas da demenza creschian da circa 8 milliuns il 2019, sin bunamain 14 milliuns il 2050. Quai fissan 74% dapli en 30 onns.
audio
Per tadlar: curt e cumpact
ord RTR Audio dals 07.01.2022.
laschar ir. Durada: 1 minuta 7 Secundas.