La Nasa sto tschertgar in nov directur scientific. Il Svizzer Thomas Zurbuchen banduna l’agenzia astronautica la fin da quest onn. El è stà sis onns directur scientific da la Nasa, pli ditg che tut ses antecessurs. Tar ils pli gronds success dal scienzià svizzer il pli influent, almain en ils Stadis Unids, tutgan per franc la partenza dal telescop «James Webb» e l’atterrament dal roboter «Perseverance» sin il Mars.
Davart sia demissiun ha el ditg ch’i dettia in temp da dir adia. Uschiglio daventian ins tuttenina in ballast en il sistem. Davart ses plans futurs na possia el anc far naginas indicaziuns. En mintga cas veglia el far ina pausa ed ir dapli cun skis, uschia il Bernais da 54 onns.
audio
RTR novitads da las 7:00
ord RTR Audio dals 14.09.2022.
laschar ir. Durada: 5 minutas 42 Secundas.
