Siglir tar il cuntegn
Inhalt

Exteriur Tim Kaine è uffizialmain candidat per il vicepresidi american

Al di da partida a Philadelphia han ils democrats nominà uffizialmain l'um da 58 onns ed ateriur guvernatur da la Virginia, in dals stadis che pudess esser decisiv tar la l'elecziun.

Il candidat dals democrats per il vicepresidi american, Tim Kaine, durant ses pled a Philadelphia.
Legenda: Il candidat dals democrats per il vicepresidi american, Tim Kaine, durant ses pled a Philadelphia. Keystone

Hillary Clinton aveva gia tschernì Time Kaine sco candidat per il vicepresidi l'emna passada. Kaine vala sco luvrus e direct. En ses pled avant ils delegads ha Kaine crititgà il candidat republican per il presidi, Donald Trump. Trump na dia mai co el veglia far quai ch'el dia ch'el veglia far.

Be laud dad Obama

Al terz di da partida dals democrats ha er il president actual dals Stadis Unids, Barack Obama tegnì in pled avant ils delegads. Obama ha attestà a sia anteriura ministra da l'exteriur las meglras qualificaziuns per daventar sia successura. Anc mai saja insatgi stà uschè qualifitgà sco Hillary Clinton.

Clinton stettia er en situaziuns da crisa ruassaivla e tractia tuts cun respect, uschia Obama vinavant. Ultra da quai haja ella plans concrets per disfar barrieras entaifer la societad e meglierar las schanzas per tut ils burgais americans.

RR novitads 06:00