La procura publica rinfatschai ad ella da far propaganda terroristica e dad esser commembra d’ina organisaziun terroristica. Ella lavura sco translatura per l’agentura da novitads sanestra Etha.
La Tirchia ha arrestà numerus schurnalists, tranter auter er in correspundent da la gasetta «Die Welt».
57 arrestaziuns tar acziun cunter la bursa tirca
Tar in’acziun cunter la bursa ad Istanbul ha la polizia arrestà 57 persunas. Las arrestaziuns sajan capitadas il venderdi passà en pliras provinzas da la Tirchia. Ellas stettian en connex cun l’emprova da putsch la stad passada, uschia l’agentura da novitads statala Anadolu.
La procura publica rinfatscha a las persunas arrestadas dad esser stadas involvidas en l’emprova da putsch che n’è betg gartegiada. La regenza tirca ha laschà arrestà numerusas persunas ils ultims mais en quest connex.
RR actualitad 07:00