Il directur da la firma da minieras duai ir 15 onns en praschun, il manader da la miniera pli che 22 onns. Quai rapporta l'agentura da novitads Anadolu. Pervi dal regl da profit hajan ils umens negligì mesiras da segirezza.
Las sentenzias èn main diras che spetgà da las famiglias da las unfrendas e da lur advocats. Ils advocats hajan bandunà ord protest la sala suenter las emprimas sentenzias. Els avevan pretendì passa 11 giadas praschun per vita duranta per ils responsabels.
301 morts, tschients blessads
Ils 13 da matg 2014 era rut ora in fieu en la miniera da charvun. 301 miniers èn morts, ils blers èn stenschids. Tschients eran vegnids blessads. Quai è stà la pli greva disgrazia da minieras en l'istorgia da la Tirchia.
RR novitads 15:00