Legenda:
Tar la relaschada dals praschuniers na sa tracti tenor il minister da giustia betg d'ina amnestia.
Keystone
cuntegn
Exteriur - Tirchia fa plazza e lascha liber 38’000 praschuniers
Pervi da las praschuns fullanadas en Tirchia lascha il pajais liber anticipadamain 38'000 praschuniers. Vegnir libras duain tut las persunas ch’han commess delicts avant l'emprim da fanadur, ha annunzià il minister da giustia Bekir Bozdag.
La mesira na valia dentant betg per ils millis suspectads ch'èn vegnids arrestads suenter l'emprova da putsch betg gartegiada. Era praschuniers sentenziads pervi da mazzament u terrorissem na vegnian betg libers.
Bozdag ha punctuà ch'i na saja nagina amnestia. Tenor indicaziuns uffizialas èn entant passa 35’000 persunas ch’eran vegnidas arrestadas en connex cun l’emprova da putsch puspè vegnidas libras.
