Fin ussa dastgava la polizia far quai mo per maximalmain 4 dis. Plinavant vegnan 2'341 instituziuns serradas. Tranter questas sajan scolas, instituziuns publicas, sindicats e centers medicinals, rapporta l'agentura da novitads statala tirca 'Anadolu'.
Tenor indicaziuns da la regenza hajan tut questas instituziuns connexs cun il moviment dal predicatur islamic Fethullah Gülen. Il president tirc Recep Tayyip Erdogan renfatscha a Gülen d'esser responsabel per il putsch empruvà avant in'emna. Lez da sia vart snega però quai.
Dapi mesemna vala in stadi d'urgenza en la Tirchia. Quest lubescha a la regenza da reger cun decrets.
RR novitads 12:00