Suenter l'emprova da putsch prolunghescha la Tirchia il stadi d'urgenza per trais mais. Quai ha il cabinett cun il parsura, il president da stadi Erdogan decidì ad Ancara. Il stadi d'urgenza era ì en vigur suenter l'emprova da putsch ils 21 da fanadur, el fiss ì a fin ils 18 d'october. Ussa cuntinuescha il stadi d'urgenza en Tirchia fin ils 15 da schaner da l'auter onn. El lubescha al president da reger per decret. L'opposiziun rinfatscha ad Erdogan da malduvrar il stadi d'urgenza per rinforzar sia pussanza.
RR novitads 18:00