La participaziun a l'elecziun è stada tar 85,43%. La midada da la constituziun dat dapli pussanza al president dal pajais, il post dal primminister duai vegnir stritgà. Cun 25,16 milliuns vuschs u 51,41% è la refurma vegnida approvada. Ils adversaris han gì radund 23,78 milliuns vuschs e cun quai mo 48,59%. Uschia è la refurma approvada.
Adversaris da la refurma han renfatschà a la cumissiun d'elecziun d'esser partischanta. L'opposiziun vul uschia cumbatter il resultat. Els crititgeschan sur tut la decisiun a curta vista d'acceptar sco correct cedels da votaziun senza il bul uffizial. L'opposiziun vul era activar il Tribunal europeic dals dretgs umans a Strasbourg.
RR novitads 06:00