Siglir tar il cuntegn

Header

cuntegn

Exteriur Tirchia sa retira da la Siria

L'operaziun saja stada in success ha ditg il primminister Binali Yildirim. El n'ha dentant betg sclaus che la Tirchia trametta danovamain schuldads en il nord da la Siria.

Suenter set mais terminescha la Tirchia ses engaschi militar en la Siria. L'avust aveva l'armada tirca cumenzà ses engaschi cun num «scut da protecziun Euphrat». Ensemen cun rebels sirians ha ella stgatschà l'organisaziun terroristica Stadi Islamic ord pliras citads sirianas datiers dal cunfin tirc-sirian. Il medem mument ha l'armada er cumbattì ils rebels da la milissa curda YPG.

Anc betg cler saja sche la Tirchia veglia mantegnair ses trups en la Siria u sch'els veglian laschar quels en il pajais vischin. L'acziun «scut da protecziun Euphrat» saja serrada giu. Ina nova acziun en Tirchia stoppia pia succeder cun in auter num.

RR novitads 06:00

Artitgels legids il pli savens