Tar las organisaziuns ch'èn vegnidas serradas tutgian:
- 3 agenturas da novitads
- 16 emetturs da televisiun
- 23 chanals da radio
- 45 gasettas
Quai rapporta l'agentura da novitads statala Anadolu. Ordavant avevan las autoritads tircas ordinà cumonds d'arrest cunter 47 anteriurs schurnalists. Ad els vegn renfatschà d'avair colliaziuns tar il predicatur Fehullah Gülen ch'il president tirc Recep Tayyip Erdogan fa responsabel per l'emprova da cupitgar la regenza. Tut en tut èn gia passa 15'000 persunas vegnidas arrestadas en Tirchia dapi l'emprova da putsch.
I n'è betg l'emprima giada che la regenza tirca agescha rigurus cunter medias criticas. Gia l'onn 2015 avevi dà razzias en pliras chasas da medias.
RR novitads 06:00
