Siglir tar il cuntegn

Header

video
Arno Kompatscher, regenza Südtirol: «Nus essan tuts contristads.»
Or da News-Clip dals 05.01.2020.
laschar ir
cuntegn

Tirol dal Sid Auto charrà en gruppa da persunas

  • En il Tirol dal Sid è in auto charrà en ina gruppa da persunas.
  • Sis persunas sajan mortas. 11 ulteriuras persunas sajan vegnidas blessadas, per part grevamain.
  • Il manischunz saja cartaivlamain stà alcoholisà, quai rapportan medias.

Tranter las unfrendas èn persunas giuvnas da la Germania. Quellas persunas stevan davant in car, cura che l'auto è charrà en la gruppa, rapporta l'agentura da novitads taliana Ansa. Sis persunas sajan mortas anc la notg, trais persunas sajan blessadas grev. Ina dunna saja vegnida transportada cun il helicopter en l'ospital a Puntina/Innsbruck en l'Austria. Tut en tut sajan tenor ils pumpiers 11 persunas vegnidas blessadas.

Polizia suppona accident

La polizia va da quai anora ch'igl è stà in accident. L'automobilist da 28 onns saja stà alcoholisà ferm tenor emprimas infurmaziuns. Plinavant haja la polizia prendì en fermanza l'automobilist, rapporta l'agentura da novitads taliana Ansa. La polizia investighescha l'exact andament da la disgrazia. Tut en tut sajan 160 forzas da salvament stadas en acziun.

La disgrazia è capitada la notg sin dumengia datiers da Bruneck en l'Italia. La regiun datiers dal cunfin austriac è enconuschenta sco regiun da sports d'enviern.

RTR novitads 09:00

Artitgels legids il pli savens

Scrollar a sanestra Scrollar a dretga