Tirol - Gronda bova stgarpa davent parts dal «Fluchthorn»

En il Tirol hai dà dumengia suentermezdi ina gronda bova en las muntognas da Silvretta. Sco il servetsch da salvament alpin rapporta, saja ina part dal piz dal sid dal massiv dal «Fluchthorn» vegnì stgarpà davent. La bova è vegnida dal piz sin 3'400 meters sur mar fin giu tar 2'100 meters sur mar – ed il flum da glitta e glera è dus kilometers lung. I n'haja dà nagins blessads, ha la polizia communitgà. Il «Fluchthorn» sa chatta sin in cunfin tranter la Svizra e l'Austria.