Siglir tar il cuntegn

Exteriur Tissientada da mangiativas: Malfactur probabel tschiffà

A Constanza ha la polizia tudestga arrestà la notg passada in um tudestg (55) sco malfactur probabel. L'um duai avair tissientà mangiativas per sfurzar a las butias da pajar ad el plirs milliuns euros.

Legende: Audio Il malfactur supponì sin ina fotografia dad ina camera da surveglianza, publitagada da la polizia. abspielen. Laufzeit 0:46 Minuten.
0:46 min, Actualitad dals 30.09.2017.

Tenor la polizia saja l’um tudestg (55) cun gronda probabilitad il malfactur probabel. El è vegnì tschiffà la notg passada en la vischinanza dad Ofterdingen – quai grazia ad avis or da la populaziun.

La notg sajan vegnidas fatgas investigaziuns da tecnica criminala. L’um sez n’haja anc ditg nagut tar las reproschas.

Miss en malruaus tut la Germania

Ina persuna nunenconuschenta aveva tissientà nutriment da pops en pliras butias a Friedrichshafen, datiers dal cunfin cun la Svizra. El aveva pretendì plirs milliuns euros e smanatschà da tissientar mangiativas en l’entira Germania per cas ch’el na survegnia betg ils daners pretendids.

La polizia ha annunzià ina conferenza da pressa la sonda suentermezdi a las 15:00:

RR novitads 10:00