Blair aveva surpiglià il post il 2007 suenter si‘ultima perioda d'uffizi sco primminister.
En ina communicaziun han ils represchentants dal quartet per il Proxim Orient engrazià a Blair per sia «lavur extraordinaria».
Uffizi crititgà
Cunter la lavur da Blair e sia persuna avevi però adina puspè dà critica. Tranter auter è vegnì renfatschà a Blair d'avair sustegnì ils Stadis Unids en la guerra en l'Irac il 2003.
Quartet per il Proxim Orient
Il quartet per il Proxim Orient sa cumpona da l'ONU, l'UE, ils Stadis Unids e la Russia. Quel ha la finamira da promover la pasch en la regiun da conflict.
RR novitads 8:00