Tornados a Kentucky - Cifra d'unfrendas è anc intscherta

En la citad zunt tutgada Mayfield datti speranza che damain persunas che temì a l'entschatta, sajan mortas. Las novas cifras, preschentadas da varts privatas n'han las autoritads betg pudì verifitgar fin uss. Quai ha punctuà il guvernatur da Kentucky, Andy Beshear a chaschun d'ina conferenza da medias: El fetschia uraziun per che las stimaziuns oriundas sajan falladas. I saja dentant anc bler memia baud per confermar cifras.

Devastaziun da fatschenta da chandailas

La notg sin sonda han ils tornados destruì totalmain in'interpresa da chandailas en la citad da Mayfield. Pervia dal temp d'advent vegnivia lavurà là di e notg. Il guvernativ Beshear ha discurrì da radund 110 persunas che sa chattavian a lur plaz da lavur, enfin uss sajan 40 da quellas vegnidas salvadas. Davart las cifra regia actualmain anc intschertezza.

Ord l'archiv