Siglir tar il cuntegn

Header

Guvernagl da Toyota cun inscripziun airbag.
Legenda: Airbag defectus en autos da Toyota. Keystone
cuntegn

Exteriur Toyota cloma enavos 2,9 milliuns autos

Pervi da problems cun l'airbag cloma Toyota enavos 2,9 miliuns autos. Gist tar autos pli vegls pudess l'airbag explodir nuncontrolladamain.

Toyota cloma enavos sin l'entir mund 2,9 milliuns autos pervi da problems cun l'airbag. Pertutgadas èn las limusinas da Corolla ed il model RAV4 en il Giapun, la China, l'Europa ed autras regiuns. Quai ha communitgà il constructur d'autos dal Giapun.

Sco motiv ha quel inditgà las difficultads tar airbags da la marca Takata. Toyota ha gia clamà enavos passa 100 milliuns autos per remplazzar ils airbags defectus. Gist tar models pli vegls pudess l'airbag explodir nuncontrolladamain.

RR novitads 08:00