Exteriur - Tozzels morts tar attatgas da suicidi en la Nigeria
En il nord da la Nigeria èn 60 persunas mortas suenter duas attatgas da suicidi sin in champ da fugitivs. Tenor las autoritads sajan enturn 80 vegnidas blessadas.
En quest champ eran numerusas persunas fugidas da l'organisaziun terroristica Boko Haram. Schebain quella è responsabla per l'attatga n'è anc betg cler.
Entant rapporta l’armada nigeriana ch’i saja reussì a schuldads en duas differentas acziuns da deliberar prest 300 persunas ord las griflas da Boko Haram. 25 extremists sajan vegnids mazzads ed ulteriurs arrestads.
