Exteriur - Tractativas cun la Grezia cuntinueschan
La tractativas tranter la Grezia ed ils crediturs internaziunals cuntinueschan er l'emna che vegn. Enfin uss n'han ils discurs betg purtà ina schliaziun, annunzia la regenza grecca. Els duain dentant cuntinuar questa saira.
La Grezia sto pajar enfin ils 5 da zercladur ina transcha dal credit dal Fond monetar internaziunal IWF. La regenza grecca vuleva perquai sa cunvegnir avant quest termin cun ils crediturs internaziunals.
Senza ina cunvegna cun ils crediturs na survegn Athen nagins ulteriurs daners e lura smanatscha il bancrut. Ils partenaris europeics da l'IWF spetgan refurmas tar la politica dal martgà da lavur e tar las pensiuns.
