En la Scozia èn ils emprims bus da passagiers autonoms en funcziun. A partir d'oz charreschan tschintg da quels sin ina lingia da bun 22 kilometers en la vischinanza dad Edinburgh. A bord sajan mintgamai 2 collavuraturs: ina persuna davos il guvernagl che possia intervegnir sch'i fetschia da basegn ed ina che controllescha e respunda dumondas.
Tenor l'interpresa Stagecoach che lantscha il test sa tractia dals emprims bus autonoms registrads da l'entir mund, nua che bus gronds curseschan. La fasa da test duai durar enfin il 2025. Avant d'introducir ils bus hajan els fatg tests e charrà bunamain 1,8 milliuns kilometers sin percurs da test.
audio
Per tadlar: las novitads da las 12:00
ord RTR Audio dals 15.05.2023.
laschar ir. Durada: 4 minutas 20 Secundas.