La Tailanda n'ha betg laschà vegnir a riva ina bartga cun 300 fugitivs a bord. Ins haja scumandà ad els d'entrar en il pajais, ha ditg il schef da la polizia regiunala.
Il fugitivs sajan vegnids provedids cun aua e mangiativas. La bartga saja vegnida chattada plirs kilometers avant l'insla Koh Lipe en il sid dal pajais.
Ils fugitivs n'hajan betg vulì vegnir en Tailanda, lur finamira saja stada la Malaisia u l'Indonesia, hai gì num da la marina. La Malaisia ha entant però annunzià da trametter davent fugitivs da bartga en l'avegnir.
