- Ina maoritad dals pajais industrials fa pauc u memia pauc cunter la corrupziun tar ils exports.
- Quai resulta da in rapport che l'organisaziun d'anticorrupziun Transparency International ha publitgà.
Tenor il rapport da l'organisaziun Transparency International cumbattan mo 7 da 44 pajais intercurrids corrupziun entras interpresas u persunas singulas. A quels appartegnan dasper la Svizra ils Stadis Unids, la Gronda Britannia, la Germania, l'Italia, la Norvegia e l'Israel.
Transparency International attestescha a quests pajais da realisar a moda activa ina cunvegna correspundenta da l'Organisaziun da cooperaziu ne svilup economic en Europa (OECD).
Ils blers fan memia pauc
Betg ina buna figura han 22 pajais fatg. Tranter quels er la China e l'India. Ma er stadis commembers da l'Uniun europeica sco la Belgia, la Pologna u la Finlanda na chastieschan betg firmas che corrumpian auts funcziunaris en l'exteriur, concluda il rapport da Transparency International.
RR novitads 06:00
