La Svizra è actualmain sin il quart plaz da la rangaziun dals stadis ils pli pauc corrupts en il sectur public. Quai cun 85 da 100 puncts pussaivels. Er sin il quart plaz èn la Svezia ed il Singapur. Meglier plazzads èn be il Danemarc, la Nova Zelanda e la Finlanda. Dentant sajan er quels stadis lunsch davent d’ina integritad da 100%.
Tenor l’organisaziun d’anticorrupziun «Transparency International» haja la Svizra vinavant deficits. Sco exempel numna ella la finanziaziun politica, la protecziun da whistleblowers, ma er il cumbat cunter la lavada da daners suspectus e la corrupziun en l’economia privata ed il sport.
Congual global
En tut han 22 stadis han survegnì quest onn dapli puncts en cumparaziun cun l'onn 2012. 21 stadis han dentant fatg regress, tranter quels er il Canada, Nicaragua e l'Australia.
RTR novitads 10:00