Siglir tar il cuntegn

Header

Navigaziun

Auto electric.
Legenda: Auto electric che vegn chargià. Keystone
cuntegn

Exteriur Trend va en direcziun autos electrics

La dumonda d’autos electrics ed ibrids è creschida l'onn passà en l'entir mund.

Tut en tut èn vegnids vendids 2,1 milliuns tals vehichels. Quai correspunda ad ina part dal martgà da 2,4%, sco quai che las cifras actualas da l'institut tudestg CAM demussan.

Per quest onn quintan ils analists che la vendita creschia vinavant sin 2,7 milliuns vehichels electrics. La raschun per il svilup è vinavant la China, uschia il studi. Il pajais asiatic ha pudì augmentar sia cumpart al martgà sin 4,5%.

In quart dapli en Svizra

En Svizra saja la vendida d’autos electrics ed ibrids s’augmentà per bunamain 25% sin 20’800 vehichels. En Svizra han els ina part dal martgà da radund 7%. Malgrà che l’entira vendita d’autos saja sa reducida per 4,6% l’onn passà, hajan tut las furmas da tracziun alternativa pudì profitar.

RR novitads 09:00