Perquai ch'il Tribunal europeic ha franà la cunvegna, ston ils stadis commembers da l'UE ed il Canada ussa surlavurar il sboz. La cunvegna violeschia il dretg fundamental dal dretg privat, uschia il rapport dal derschaders. Plinavant tutgia la cunvegna er il dretg fundamental davart la protecziun da datas privatas.
Per cumbatter acts terroristics sco era per cumbatter criminalitad severa sur ils cunfins ora saja pussibel d'intervegnir. En il cas avant maun na sa reduceschian las intervenziuns betg sin ina mesira propi necessaria. Plinavant sajan tschertas determinaziuns betg formuladas precis avunda.
A moda concreta numnan ils derschaders l'autorisaziun da Canada dad arcunar datas da passagiers europeics er tschintg onns senza in motiv concret. Plinavant numnan ens era il transfer d'infurmaziuns davart «la derivanza razziala u etnica, opiniun politica, persvasiuns religiusas u filosoficas u era l'appartegnientscha a sindicats».
RR novitads 12:00