Pervi dal suspect d'influenza politica sin la polizia statala ha la pli auta dretgira da la Brasilia avert ina procedura cunter il president Jair Bolsonaro. Uschia accepta ella la dumonda dal procuratur public general. Quai resulta d'ina decleranza dal tribunal suprem.
Avant ha l'anteriur minister da giustia brasilian Sergio Moro fatg grevas renfatschas a Bolsonaro ed è sa retratg venderdi da ses uffizi. Moro aveva ditg ch'el na vesia nagina pussaivladad pli da mantegnair l'independenza da la polizia statala, suenter che Bolsonaro aveva relascha il schef da quella – in stretg ami da Moro. Sergio Moro vala sco in dals pli enconuschents cumbattants cunter la corrupziun en il pajais.
Suenter la decisiun dal Tribunal, ston las examinaziuns vegnir manadas tras entaifer ils proxims 60 dis. En in emprim pass vegn probablamain Moro a deponer la perditga ed a mussar mussaments pussaivels.
