Siglir tar il cuntegn

Header

cuntegn

Exteriur Trump annunzia svilup substanzial tar discurs cun la China

Oriundamain aveva il president american Donald Trump annunzià d’augmentar dramaticamain ils dazis da multa sin products chinais a partir dal prim da mars, sch’i na dettia fin lura nagina cunvegna. Damai ch’i haja dà gronds progress en chaussa, na valia quest termin betg pli, ha Trump communitgà via Twitter.

Ina nova data n’ha Donald Trump betg numnà. Sch’ils discurs sa sviluppan vinavant bain duain ins pudair suttascriver la cunvegnan tar l’inscunter suprem cun il president dal stadi da la China Xi Jinping en il ressort da luxus Mar-a-Lago a Florida. El finescha ses Tweet cun ils pleds:

Ina fitg buna fin d’emna per ils Stadis Unids e la China.
Autur: Donald Trump president dals Stadis Unids da l'America

Areguard la dispita da commerzi avevan cumenzà la gievgia novs discurs a Washington. Quai cun la finamira da stgaffir la basa per ina cunvegna da commerzi tranter las duas economias las pli grondas dal mund.

RR novitads 06:00

Artitgels legids il pli savens