Il president american Donald Trump ha mess en dumonda ina cunvegna da commerzi tranter ils Stadis Unids e la Gronda Britannia, quai pervi da la strategia dal Brexit da la primministra Theresa May.
En in'intervista cun la gasetta da boulvard «The Sun» ha Trump ditg ch'il plan da May ruinass probabel la pussaivladad sin ina cunvegna bilaterala. May haja ignorà sias propostas, uschia Trump. Sur dal minister da l'exteriur sa retratg Boris Johnson ha Trump ditg che quel fiss ina excellent primminister.
