El aveva gia procurà avant sia elecziun sco president brasilian per pulitamain lingias grassas: Il populist da la ultra-dretga ed anteriur militarist Jair Bolsonaro. Gia cun sia campagna electorala tschuffa aveva el leventà la pulvra enturn il mund.
Bolsonaro 55,2% vs. Haddad 44,8%
Tuttina – tenor la cumissiun electorala TSE haja Bolsonaro survegnì la dumengia 55,2% da las vuschs da la populaziun brasiliana. Ses contrahent da la partida dals lavurants Fernando Haddad haja fatg 44,8%.
La Brasilia sa chattia uschia a la sava dad in midament politic profund, èn ils observaders enturn il mund persvadids. En la Brasilia regia la tema tranter opposiziunals, sanesters ed omosexuals. Suenter las tiradas d'odi da Bolsonaro en il cumbat electoral temian els uss las consequenzas – cunzunt er perquai che Bolsonaro ha annunzià:
En la Brasilia vegni a dar ina schubregiada anc mai vesida.
Militarist Bolsonaro vul dapli armas e damain tgira da l'ambient
L'um che porta pervi da ses messadi e stil politic il surnum «Trump da las tropas» veglia tranter auter simplifitgar l’access ad armas, occupar ministeris cun persunas dal militar e probablamain er sortir da la Cunvegna da Paris davart il clima.
Tenor SRF haja Bolsonaro survegnì suenter sia elecziun gia in telefon dal president american Donald Trump. Bolsonaro e Trump sajan sa cunvegnids, da lavurar ensemen stretgamain, scriva SRF.
RR novitads 06:00
