Il president american Donald Trump fa responsabel las autoritads da la California per las unfrendas dals incendis da guaud. I na dettia nagina raschun per quests incendis fatals, auter ch'il nausch management da selvicultura, uschia Trump via Twitter.
I vegnia mintg'onn dà ora milliardas e tuttina morian tantas persunas. Il president smanatscha da retrair las contribuziuns dal stadi a la California che vegn regida da democrats.
Pervi dals incendis da guaud èn entant mortas almain 9 persunas. La citad da Paradise en il nordost da la metropola da San Francisco è vegnida destruida dal tuttafatg. Passa 150'000 persunas han stuì bandunar lur chasas pervi dals incendis en il nord dal stadi federativ.
