Latiers sa tracti da persunas suspectadas tar ils servetschs secrets. Pussaivlas sajan er sancziuns finanzialas cunter singulas persunas. Per ils Stadis Unids na saja betg acceptabel ch'in schurnalist vegn fatg a taschair entras violenza, ha ditg Mike Pompeo, il minister da l'exteriur american. Il president american, Donald Trump, ha ditg davart il mazzament ch'els avevan in nausch concept. I saja vegnì realisà mal e da zuppentar il delict saja stada in dals menders agirs en l'istorgia da zuppentar, uschia Trump. Vitiers ha el aschuntà ch'el veglia discurrer cun il congress davart mesiras penalas.
Il schurnalist critic, Khashoggi, era vegnì mazzà avant trais emnas en il consulat ad Istanbul. La Tirchia discurra d'in mazzament barbaric ch'era planisà.
RR novitads 08:00
