Siglir tar il cuntegn

Exteriur Trump duai sa perstgisar

L’Uniun africana e plirs pajais africans pretendan ch’il president dals Stadis Unids sa perstgisia. Tenor perditgas saja Trump s’exprimì a moda offendenta davart pajais africans ed il Haiti.

Donald Trump, president dals Stadis Unids da l'America.
Legenda: Donald Trump, president dals Stadis Unids da l'America. Keystone

Ina gruppa da 54 stadis africans ha pretendì dal president american da sa perstgisar per sia formulaziun groppa e da prender enavos quella. Quai han declerà ils ambassadurs dals pajais tar las Naziuns Unidas suenter ina sesida d’urgenza. Els sajan schoccads e permalads pervi da las remartgas da Donald Trump. Quellas sajan stadas dal tuttafatg rassisticas.

Dal medem avis è er il biro per ils dretgs umans da las Naziuns Unidas. Tenor plirs rapports da medias haja Trump disfamà paupers pajais da derivanza d'immigrants.
President Trump sez ha refusà las renfatschas via Twitter. El haja bain duvrà pleds dirs. Quai dentant senza offender insatgi.

RR novitads 06:00