Siglir tar il cuntegn

Header

cuntegn

Exteriur Trump e Clinton n'èn para betg da franar

Donald Trump e Hillary Clinton s’avanzan vinavant tar las pre-elecziuns per il presidi dals Stadis Unids. Il republican va per cleras victorias en tschintg stadis. Ed er la democrata Clinton schlargia ses avantatg.

Legenda:
Resultats pre-elecziuns Stadis Unids (stadi dals 8 da zercladur 2016) Tar ils republicans (cotschen) dovra quai 1'237 vuschs da delegads, per vegnir nominà sco candidat. Tar ils democrats (blau) èn quai 2'383 vuschs. washingtonpost.com

Donald Trump e Hillary Clinton han gudagnà las pre-elecziuns per la candidatura dal presidi american en ulteriurs stadis.

Il milliardari d'immobiglias republican Donald Trump ha pudì sa metter tras cunter ses concurrents en tut ils tschintg stadis nua ch'igl è vegnì votà il mardi: Maryland, Pennsylvania, Rhode Island, Connecticut e Delaware. Cunquai ha el megliurà sias schanzas da ramassar las 1’237 vuschs da delegads ch'el dovra per vegnir nominà sco candidat.

Grazia als novs resultats po teoreticamain mo aunc Sanders far concurrenza a Clinton.
Legenda: Grazia als novs resultats po teoreticamain mo aunc Sanders far concurrenza a Clinton. Reuters

Tar ils democrats ha Hilary Clinton gudagnà en ils stadis Maryland, Delaware, Pennsylvania e Connecticut. Rhode Island è surprendentamain i a ses concurrent Bernie Sanders. La democrata resta però la clera favurita.

L’anteriura ministra da l’exteriur è teoreticamain be anc da franar da Sanders. Lez aveva dentant gia annunzià avant da betg vulair dar si.

RR novitads 06:00

Artitgels legids il pli savens