Ils Stadis Unids e la Russia vulan collavurar vinavant en il cumbat cunter la milissa terroristica Stadi Islamic fin che quel è victorisà. Uschia èn sa cunvegnids ils dus presidents Trump e Putin a l'ur da l'inscunter suprem da la communitad economica asiatic-pazifica (APEC) en il Vietnam.
Omadus schefs da stadi han danovamain accentuà da vulair renconuscher la suveranitad, l'independenza e l'integritad territoriala da la Siria. Era èn els persvadids ch'il conflict che cuzza ussa passa 6 onns, na saja betg da schliar a moda militara. Els han appellà a tut las partidas involvidas da sa participar als discurs da pasch da l'ONU a Genevra.
RR novitads 12:00