Siglir tar il cuntegn
Inhalt

Exteriur Trump è uffizialmain candidat per il presidi american

Il milliardari da New York ha acceptà uffizialmain sia nominaziun sco candidat per il presidi dals Stadis Unids a la fin dals dis da partida dals republicans a Cleveland.

Donald Trump sin tribuna als dis da partida dals republicans a Cleveland.
Legenda: Donald Trump als dis da partida dals republicans a Cleveland. Keystone

Criminalitad e violenza vegnian bainprest ad avair ina fin, uschia Trump en ses pled da nominaziun. El veglia purtar enavos al pajais plazzas da lavur, bainstanza, dignitad e segirezza.

Fin uss n’è Donald Trump anc mai stà en in uffizi public. En il cumbat per la successiun dal president partent Barack Obama frunta el sin la candidata dals democrats, Hillary Clinton. Il di da partida dals democrats è l’emna proxima a Philadelphia. L’elecziun dal president u la presidenta è lura ils 8 da november.

RR novitads 06:00