Kelly è stà durant 40 onns commember dals «Marines», tranter auter ha el er cumbattì en l'Irac. Kelly vegn savens er numnà il «falcun la protecziun dal cunfin». Il cunfin tar il Mexico ha el numnà ina «smanatscha existenziala».
Ensemen cun Michael Flynn, il cussegliader per la segirezza e James Mattis, il minister da defensiun, fiss Kelly gia il terz anteriur general en la nova regenza americana.
Adversari da politica d'ambient da Obama
Il nov minister d'ambient proponì, Scott Pruitt, vala sco adversari da la politica da la protecziun da l'ambient da Barack Obama. Pruitt è il mument schefaccusader dal stadi federal Oklahoma. En questa funcziun ha el, ils ultims tschintg onns, adina puspè mess en dumonda decisiuns da l'uffizi da l'ambient. Durant il cumbat electoral aveva Trump numnà la midada dal clima in'invenziun per far donn a l'industria americana. Suenter si'elecziun aveva el annunzià da vulair extrar da la cunvegna da clima globala da Paris.
RR novitads