Siglir tar il cuntegn

Header

cuntegn

Exteriur Trump metta anc in sisur

Il president american, Donald Trump communitgescha via Twitter d’esser pront, sche la Corea dal Nord ageschia «senza chau».

En la dispita cun la Corea dal Nord smanatscha Trump danovamain cun in’acziun militara. Sin Twitter ha el danovamain communitgà che «la schliaziun militara saja preparada e pronta».

Gia la gievgia aveva il republican declerà che sias smanatschas encunter Kim Jong-Un na sajan betg stadas diras avunda. La Corea dal Nord duaja sa prender ensemen, uschiglio survegnia il pajais problems.

La Corea dal Nord ha annunzià da vulair sajettar quatter rachetas a mesa distanza sur il Giapun sin l’insla americana el Pacific Guam. Mez avust saja il plan d’acziun pront.

Jau na ves nagina schliaziun militara en il conflict.
Autur: Angela Merkel chanceliera tudestga

La chancelira tudestga Angela Merkel ha crititgà la retorica vehementa en la crisa da la Corea dal Nord. L'escalaziun da la lingua saja la faussa resposta, ha ditg Merkel a Berlin. Ella ha plinavant appellà da rinforzar ina schliaziun paschaivla. Ella na vesia nagina schliaziun militara dal conflict.

RR novitads 15:00

Artitgels legids il pli savens