Siglir tar il cuntegn

Exteriur Trump na sto betg temair per ses conto da Twitter

Twitter na vul betg bloccar contos da schefs da stadi e da regenza. Quai er betg sche quels fan tweets dispitaivels. Tals politichers hajan in status spezial, ha argumentà il servetsch da novitads curtas.

Persunas che legian il tweet dispitaivel da Trump.
Legenda: Twitter sa dosta cunter pretensiuns da bloccar il conto da Twitter dal president american Trump. Reuters

Il pli impurtant en curt:

  • Las debattas han cumenzà suenter ch'il president american Donald Trump ha communitgà via Twitter d'avair in bler pli grond buttun atomar ch’il dictatur nordcorean Kim Jong-Un.
  • Critichers vesan en talas remartgas ina violaziun cunter las reglas dal diever da Twitter.
  • Uss ha Twitter reagì – il servetsch da novitads curtas na vul betg bloccar contos da schefs da stadi e da regenza era sche quels fan tweets dispitaivels.

L’entira debatta stat en connex cun l’ultima remartga dal president dals Stadis Unids. Donald Trump aveva communitgà via Twitter, ch’el haja in bler pli grond buttun atomar ch’il dictatur nordcorean Kim Jong-Un.

@realDonaldTrump

Twitter sa dosta cunter la pretensiun da bloccar il conto da Donald Trump. Sch'ins stizzass tweets dispitaivels, vegnissan uschia impurtantas infurmaziuns tegnidas enavos, che la glieud stuess savair e pudair debattar sur dad ellas. Twitter veglia gidar d'avanzar la conversaziun publica en tut il mund.

Per critichers è la preschientscha permanenta dal president american sin Twitter in privel per la pasch en il mund. Perquai han els pretendì da bloccar il conto da Donald Trump.

RR novitads 09:00