Siglir tar il cuntegn

Header

cuntegn

Exteriur Trump na vul betg extradir a Gülen

Il president american Donald Trump na pondereschia betg dad extradir il predicatur Fetullah Gülen a la Tirchia. Trump cuntradì uschia ad indicaziuns tircas da la fin d'emna, scriva l'agentura da novitads svizra SDA.

L'annunzia aveva procurà ils ultims dus dis per lingias grassas: A l'ur da l'inscunter dals G20 avant dus emnas en l'Argentina era il president american Donald Trump s'inscuntrà cun il president tirc Recep Tayiip Erdogan. Tar quel inscunter haja el annunzià da vulair prender en mira dad extradir il predicatur Fetullah Gülen a la Tirchia.

Quai na saja betg uschia, citeschan las agenturas da novitads in represchentant da la regenza americana, che na vegn betg numnà pli precis. Il represchentant di che Trump na saja betg sa lià en l'inscunter cun Erdogan da surdar Gülen a las autoritads tircas.

Fethullah Gülen – l'um en il center da la cuntraversa

Avrir la box Serrar la box
Legenda: Keystone

Gülen vegn fatg responsabel da la Tirchia per il putsch militar cunter la regenza Erdogan il 2016. Il predicatur, che viva dapi il 1999 en ils Stadis Unids en l'exil, ha refusà questas renfatschas. El vala sco inimi il pli pussant dal president tirc Erdogan.

RR novitads 06:00

Artitgels legids il pli savens