Siglir tar il cuntegn

Header

Navigaziun

cuntegn

Exteriur Trump proclamescha stadi d'urgenza

Il president american Donald Trump ha declerà il stadi d'urgenza al cunfin dal sid dals Stadis Unids. Quai per pudair bajegiar il mir al cunfin cun il Mexico. La Chasa Alva ha publitgà da proclamaziun dal stadi d'urgenza.

Trump.
Legenda: Reuters

Sco Donald Trump ha ditg curt avant suttascriver la proclamaziun dettia en ils Stadis Unids ina «invasiun da drogas, da bandas e da persunas e quai na saja betg acceptabel». Cun proclamar il stadi d'urgenza vul Trump pudair finanziar il mir al cunfin cun il Mexico. Latiers vul el duvrar daners dal budget dal ministeri da defensiun.

Cumissiun prevesa investigaziuns

Tenor ils democrats resguardia el uschia betg la constituziun e la separaziun da las pussanzas. Ina cumissiun en la chombra dals represchentants ha gia annunzià da far investigaziuns en quest connex. Dal president pretenda ella da star a disposiziun per in'audiziun. Plinavant ha la cumissiun dà temp a Trump in'emna per preschentar documents che giustificheschian il stadi d'urgenza.

RR novitads 21:00