Siglir tar il cuntegn
cuntegn

Exteriur Trump sa retegna cun proclamar stadi d'urgenza

Capitol a Washington en il stgir davant serrà la via cun in bindel ch'igl è scrit si «caution».
Legenda: Donald Trump ha segirà ch'el na veglia betg uschè svelt proclamar il stadi d'urgenza naziunal. Keystone

En il cumbat davart il budget american ha il president, Donald Trump, segirà ch'el na proclameschia betg uschè svelt il stadi d'urgenza naziunal. Era sche quai fiss ina simpla soluziun. Cun declerar il stadi d'urgenza pudess Trump empruvar da guntgir il congress per sa procurar la summa da milliardas ch'el vul per construir in mir al cunfin cun il Mexico.

Tar ina visita al cunfin cun il Mexico aveva Trump fatg reclama per ses project da mamut dispitaivel e danovamain smanatschà da proclamar il stadi d'urgenza naziunal. Ils democrats han per quest cas gia smanatschà cun opposiziun. Perquai ch'il president insista sin la summa, stat la regenza americana airi dapi quasi 3 emnas.

RR novitads 06:00