Sch'ils democrats na dettian betg liber ils daners per construir il mir da cunfin cun il Mexico ed els veglian midar la lescha d'immigraziun na possia Trump far nagut auter che da serrar ils cunfin cun il Mexico cumplettamain.
5 milliardas dollars per mir
Ils democrats vulan ina nova lescha per l'immigraziun en ils Stadis Unids. Trump sa dosta dentant da suttascriver questa lescha uscheditg ch'ils democrats sa dostan da deliberar 5 milliardas dollars en il budget, per construir il mir da cunfin cun il Mexico. Ils democrats n'èn betg pronts da far quest pass. Ils custs cumplains per il mir giaschian perfin tar 23 milliardas.
Las duas chombras dal parlament han gia suenter paucas minutas spustà ina decisiun en l'onn nov. L'uschenumnà «shutdown» vegn cun quai tratg enavant en l'onn proxim.
RR novitads 20:00