Siglir tar il cuntegn

Exteriur Trump: UE è inimia da l'USA

En in'intervista cun l'emettur da televisiun CBS ha il president dals Stadis Unids Donald Trump numnà l'Uniun europeica in'adversaria ed inimia dals Stadis Unids.

Purtret da Donald Trump e Donald Tusk tar in inscunter.
Legenda: Trump ha numnà l'UE in inimia, Tusk discurra da megliers amis. Keystone

Donald Trump ha argumentà quai cun la politica commerziala da l'Uniun Europeica. Cunzunt ha Trump crititgà la Germania. Finanzialmain na contribueschia ella betg avunda a la NATO. Il medem mument cumpria la Germania però energia da la Russia per pliras milliardas dollars.

Il president dal cussegl da l'UE, Donald Tusk, ha immediat reagì sin l'intervista: Ils Stadis Unids e l'Uniun europeica sajan megliers amis, ha el scrit sin Twitter. Tgi che discurria dad adversaris, derasia infurmaziuns faussas, uschia Tusk.

RR novitads 06:00