Exteriur - «Truppas iracaisas n’han nagina veglia da cumbatter»
Il schef dal Pentagon, Ash Carter, reproscha als cumbattants da l'Irac ch'els hajan memia pauca voluntad da cumbatter. Tar ils cumbats per la citad Ramadi fissi il militar iracais stà en surpli, tuttina saja el sa retratg, ha Carter ditg a l'emettur CNN.
Las attatgas ord l'aria dals Stadis Unids e ses alliads sajan effectivas. Ellas na possian dentant betg remplazzar la veglia da cumbat dals Iracais. Dasper las attatgas ord l'aria sustegnan ils Stadis Unids l'armada iracaisa cun material e cun instrucziun militara.
